- Waa in lagu siiyaa ugu yaraan mushaharka ugu yar ee $17.20 saacad kasta oo aad shaqeyso.
- Ardayda da’doodu ka yar tahay 18 sano waxay leeyihiin mushahar hoose oo ah $16.20.
- Si kastaba ha ahaatee, iyadoo ku xiran shaqadaada, waxaa laga yaabaa inaadan helin mushaharka ugu yar. Shaqooyinka qaarkood sida shaqaalaha beeraleyda, shaqaalaha IT-ga iyo kormeerayaasha dhismaha ayaan ilaalinayn sharciyada mushaharka ugu yar.
| Mushaharka ugu Yar ee dadka waaweyn | Ardayda ka yar 18 sano jir | |
| Oktoobar 1, 2024 | $17.20 | $16.20 |
| Oktoobar 1, 2025 | $17.60 | $16.60 |
Sideen isu ilaalin karaa haddaan si sax ah la ii siin lacagta aan xaqqa u leeyahay?
- Haddii maamulahaagu uu ku siinayo wax ka yar mushaharka ugu yar, ku billow inaad xafido diiwaankaaga qoraal ah dhammaan taariikhaha iyo saacadaha la shaqeeyay iyo mushaharka lagu siiyay.
- Uruuri cadaymaha ugu badan ee suurtogalka ah. Tan waxa ku jiri kara heshiiskaaga shaqo, jadwal, sawiro iyo fariimo qoraal ah.
- Isku day inaad kaydiso haddii ay dhacdo inaad lumiso gelitaanka taleefankaaga, xisaabtaada iimaylka ama gelitaanka goobtaada shaqada. Daabac nuqullo warqad ah ama qaado sawirro haddii loo baahdo.
- Naga soo wac Xarunta Waxqabadka Shaqaalaha 416-531-0778 haddii aan lagu siinin mushaharka ugu yar si aan u wada shaqayno si aan u soo ceshano waxa lagugu leeyahay.
Waa maxay sababta mushaharka ugu yar ee Ontaariyo u kordho?
- Shaqaalaha Ontaariyo waxay u dagaalameen – wayna ku guuleysteen – sharci 2014-kii kaas oo ku xiray kordhinta mushaharka ugu yar ee Ontario iyo kororka qiimaha noloshayada. Kharashyadaas waxaa ka mid ah waxyaabaha sida cuntada, kirada, dharka iyo gaadiidka.
- Sharcigan 2014 ka hor, waxaa u fududaatay dawlada Ontario inay hakiso mushaharkayaga ugu yar. Tusaale ahaan, dawladda Konserfatifka waxay xayirtay mushaharka ugu yar ee $6.85 muddo 9 sano ah.
- Marka mushaharkayaga la xayiro laakiin qiimuhu kordho, waxay la mid tahay sida uu madaxdeenu u gooyo mushaharkayaga. Taasi waa sababta ku guuleysiga sharcigan ay u tahay guul muhiim u ah shaqaale badan.
- Laakin $17.20 wali kuma filna. Shaqaaluhu waxay mudan yihiin wax badan. Dawlada Ontario waxay u baahan tahay inay sare u qaaddo mushaharka ugu yar si qofna aanu uga shaqayn mushaharka saboolnimada.
La cusbooneysiiyay Abriil 2025
